Zilbor Hesteko Odolaren EAEko Bankuak –Transfusioen eta Giza Ehunen Euskal Autonomia Erkidegoko Zentroaren parte dena– 2017ko uztailaren 10ean CAT Fundazioaren –Transfusio eta Terapia Zelularraren Espainiako Elkartearen (SETS) eta Hematologia eta Hemoterapiaren Espainiako Elkartearen (SEHH) mende dagoena, eta Transplanteen Erakunde Nazionalaren (ONT) bermea duena– ZIURTAGIRIA jaso du. Horrek adierazten du Zilbor Hesteko Odolaren EAEko Bankuaren kalitate-kudeaketarako sistemak eta prozedura operatiboak ebaluatuak izan direla eta zilbor-hestearen Progenitore Hematopoietikoak eskuratzeko, prozesatzeko, biltegiratzeko eta banatzeko estandarrak betetzen dituztela (CAT 2007 Estandarrak).

Horrenbestez, ziurtagiri horrek Gurutzetako, Basurtuko, Arabako eta Donostia unibertsitate-ospitaletako zein Bizkaiko Quirón ospitaleko zilbor-hesteko odola eskuratzeko unitateak ere barne hartzen ditu. Ziurtagiria lortzeko, garrantzitsua izan da Transplanteen Koordinazioaren lankidetza.

Zilbor Hesteko Odolaren EAEko Bankua Espainiako estatuan dauden mota horretako sei bankuetako bat da, eta nazioartean banatzen ditu transplanterako unitateak, Carreras Fundazioak kudeatzen duen Espainiako Hezur Muinaren Emaileen Espainiako Erregistroak (REDMO) koordinatuta..